Du Demsal

Albüm Resimleri / Wêneyên Albûmê

Albüm Videoları Playlist / Vîdyoyên Albûmê

Şarkı Sözleri - Gotinên Stranan
Kurdî / Türkçe / English

Min dixwest ku rengek ji jîyanê

Ev çend sal e baran tenê dibare

Ne dilxweşî, ne rukenî

Xemgînî ye para min

Bîraninên min bixubar in

Li ser nameyên dilê te

Evîn, xilas bû di jîyana min de

Hêvî, wenda bû di pêşiya min de

Roj ava bû, di welatê min de

Xewn e ! derbas bû di ber çavê min de

Destê xwe dayîne li ser dilê min

Wê demê tu yê bibînî halê min

Pelên daristanên min darijîn

Ji ber gotinên te yên dawî

Tiştek nemaye para min

Ji xeynî navê te…

Gotin û muzîk : Diljen RONÎ

 

Baran dibariya
Mijankên te gul vedikir
Destê te destê te bêhna axê
Min dixwest li cem te bimînim
Min dixwest min dixwest


Serê te deyinim çokê xwe
Destê xwe bidim destê te
Serî rakim ji mirinê
 


Baran dibariya
Kenê te dibû bihar
Çavê te çavê te derya evînê
Min dixwest li cem te bimînim
Min dixwest
 
Serê te deyinim çokê xwe
Destê xwe bidim destê te
Serî rakim ji mirinê
 
Gotin: Müslüm ASLAN

Muzîk : Diljen Ronî – Müslüm ASLAN

Çi bêjim ez çi bêjim tev de tu yî
Me’na hemû peyvan, kêm zêde tu yî
Ketim deryayê ku cewher bibînim
Hemû cewherê’ ku min dîtin tu yî

 

Her ew ku aşiq e ji can natirse
Aşiq ji zencîr û zîndan natirse
Dilê aşiq weke gurê birçî ye
Ku ew ji heyheya şivan natirse

 

Gotin : Baba Tahirê URYAN

Muzîk : Diljen RONÎ

Sar e, ez dicemidim

Sar e, ez dicemidim

Laşê min, di sermaya te de diricifî

Hestên min, di xweliya te de dişewitîn

Li ber deriyê dilê te me

Ev çend sal in, ez bûm kale

Ev dil, ev dil

Lê hê dimîne, lê hê dimîne

Heta tu bêyî, wê bimîne

 

Xewn e! lê dîsa dibînim

Netirse!  ez ne dîn im

Lêvên min, ji ber hilma te diqelişîn

Peyvên min, di gewriya min de dixeniqîn

Li ber deriyê dilê te me

Ev çend sal in, ez bûm kale

Ev dil, ev dil

Lê hê dimîne, lê hê dimîne

Heta tu bêyî, wê bimîne

 

Gotin û muzîk : Diljen RONÎ

 

Were were esmerxan

Were were stumercan

Ez ê te birevînim

Bibim Cizîra Botan

 

Navê te esmerxan e

Hem gul e hem rihan e

Kêfa dilê lawan e,

Kêfa dilê xortan e

 

Gotin û muzîk : Gelêrî

Herem : Cizîra Botan

Hişê min ji serê min bir
Evîna te yî delal
Ziwa bu ava derya
Xewa min dibe zindan
 
Ku dengê te nayê
Nayê nayê sebra min
Ku dengê te nayê nayê nayê sebra min
Tim dibim êvar dibim zivistan
 
Yar tunebûna te
Mirina hezar caran
Stuxwar dike 
Xemgînî û bijan
 
Ku dengê te nayê
Nayê nayê sebra min
Ku dengê te nayê nayê nayê sebra min
Tim dibim êvar dibim zivistan

Gotin : Müslüm ASLAN

Mûzîk: Diljen RONÎ – Müslüm ASLAN

Esmera min çendî ciwan e
Dinalim çendî ciwan e
Weke gul û rihan e
Dilo dilo cana min
Weke gul û rihan e
Were were cana min

 

Tu yî can û tu yî jîn

Tu yî wek gula nesrîn

Tu yî buhara rengîn

Dilo dilo cana min
Tu yî buhara rengîn

Were were cana min

 

Mala min li cem mala te

Çavê min li dîtina te

Ev bûn çend sal li hêviya te

Dilo dilo cana min

Ev bûn çend sal li hêviya te

Were were cana min

Gotin û muzîk : Gelêrî

Dîlberê îro seher
Avête cergê min du dox
Yek li sîne yek li dil da
Lew ji min tên ax û ox


Ah û oxên min ji dil tên
Lê ji ber tîra qizil tên
Yan ji kovanên di kul tên
Jê dizêt her xwîn û zox


Xwîn ji dil co co rewan tê
Wek ‘eqîq û erxewan tê
Lê ji dest selwa ciwan tê
Ew şepala şeng û şox e
Ew şepala şox û şeng e

                 

Helbest : Melayê CIZÎRÎ

Muzîk : Diljen RONÎ

Min li ku hişt ku lê vegerim
Hêre bikim dê bi ser ve bim
Li wî gundî li wê navçeyê li vî bajarî?

Zarokek bûm ez jî
Wekî her zarokî, fêkiyê rojekê
ji dara dêya xwe

Ketim erdê ez jî
Çawakî her fêkî bikeve ji darê
Ez jî ketim rojekê:
Berî ku bikeve erdê Oxirê Qoserî!

 

Gotin : Arjen ARÎ

Muzîk : Diljen RONÎ

Te ji min çî ye, te ji min çî ye
Selîmo leylo, Razîmo leylo te ji min çî ye

Guharê yarê muhrî ye

Selîmo leylo, Razîmo leylo te ji min çî ye

Meskenê yarê çarşî ye

Selîmo leylo, Razîmo leylo te ji min çî ye

 

Te ji min vebe, te ji min vebe

Selîmo leylo, Razîmo leylo te ji min vebe

Guharê yarê levleb e

Selîmo leylo, Razîmo leylo te ji min vebe

Meskenê yarê Haleb e

Selîmo leylo, Razîmo leylo te ji min vebe

 

Li eywanê, li eywanê

Selîmo leylo, Razîmo leylo li eywanê

Rijî berda kesrevanê

Selîmo leylo, Razîmo leylo li eywanê

Min ramustî te ciwanê

Selîmo leylo, Razîmo leylo li eywanê

 

Gotin û muzîk : Gelêrî

Herem : Cizîra Botan

Lê esmerê, lêvsorê, nazîkê, îro xwe ne xapîne 
Por reş û rû spî û wek stêrkên havînan
Û di tenêtiya şevê de, bi xemla xwe
Ka were, lê were ka were, lê were

Destê min bigire û bernede û bernede

Ez evîndarê te
Lê tu dibêjî; Ez nikarim!

Lê lê lê dîlberê, ez aşiq bûm lê esmerê
Ka bêje tu çima nayê! ez li heviya te me li vê êvarê

Û di tenêtiya şevê de,

Ez hatim bi teafa xala gerdena te yarê,     

Ka were, lê were ka were, lê were
Destê min bigire û bernede û bernede

Ez evîndarê te
Lê tu dibêjî; Ez nikarim!

Gotin û muzîk : Diljen RONÎ